by Habang naglalakad sa dalampasigan
At tumatanaw sa laot na mapanglaw
Aking nagugunita ating nakaraan
na punong-puno ng awita't suyuan.
Matamis na ala-ala'y di malimot
Ligaya ng dibdib kapag malungkot.
Laman ka ng isip at di matarok
Pagod ang diwa't damdaming mapusok.
Kay sarap ng buhay noong tayong dalawa
Makulay at kumukuti-kutitap pa!
Tila ninanamnam sa bawa't hibla
ang ating pagsintang nalugmok sa dusa.
Nguni't pag-ibig, ngayong wala ka na
Sayang ang pagmamahalang iniukol sa isa't isa
O, kapalaran, sana'y huwang nang maulit pa
Sakit na idinulot ng bigong pag-ibig..
